Ýurtda iň ýokary wezipeli adam döwletiň we ýerine ýetiriji hökümetiň ýolbaşçysy – Türkmenistanyň Prezidendidir. Ol Ministrler Kabinetine – Türkmenistanyň hökümetine ýolbaşçylyk edýär. Prezident milli garaşsyzlygyň, territorial bitewiligiň, Konstitutsiýanyň we halkara ylalaşyklarynyň ýerine ýetirilmegine kepil geçýär, Türkmenistanyň ykdysady we sosial-medeni ösüşini üpjün edýär, Konstitutsiýada göz öňünde tutulan beýleki ygtyýarlyklary amal edýär. Prezident Türkmenistanyň Ýaragly Güýçleriniň Baş serkerdebaşysydyr. Ol ilçileri, ministirlikleriň we wedomstwolarynyň ýolbaşçylaryny goşmak bilen ýerine ýetiriji häkimiýetiň diwanynyň ýokary wezipeli işgärlerini belleýär. Mejlis bilen ylalaşyp, Ýokary suduň başlygyny, Ýokary hojalyk sudunyň başlygyny, Baş prokurory belleýär we wezipesinden boşadýar. Türkmenistanyň Konstitutsiýasy Prezidente Mejlisiň adatdan daşary sessiýalaryny çagyrmaga, günasi geçmäge we amnistiýa etmäge hukuk berýär.