Tutuş dünýäni gyzyklandyrýan wakalaryñ internete hem täsiri ýetýär. Sosiýal mediýa saýty "Twitter" futbol boýunça dünýä çempionatynyñ geçirilýän döwründe hem ulanyjylaryñ sanyny hem girdejisini artdyrmagy başardy. Şereketiñ birzadaky gymmaty iki esse köpeldi. "Twitter" iýun aýynyñ ahyrynda tamamlanan ikinji çärýek baradaky maglumatlaryny ýaýratdy. Onuñ bu döwürdäki girdejisi 312 million dollara ýetdi. Kompaniýa girdejisiniñ uly bölegini mobil mahabatlaryndan gazandy. Ýylyñ ikinji çärýeginde onuñ işjeñ ulanyjylarynyñ sany hem 25 göterim köpelip, 271 milliona ýetdi. Onuñ bu netijäni gazanmagynda çempionat döwründe milli ýygyndyda çykyş edýän futbolçularyñ internete goýan suratlarynyñ täsiri uly boldy. Kompaniýanyñ başlygy Dik Kostolo ulanyjylaryñ arasynda diñe soñky üç aýda 16 million adamyñ goşulandygyna ünsi çekdi. Kostolo şeýlelikde, soñky bäş çärýekdäki iñ uly ösüşiñ gazanylandygyny aýtdy. Şereketiñ ulanyjylarynyñ sanynyñ artmagy 2014-nji ýylda garaşylýan girdeýji baradaky çaklamalary hem artdyrdy. Mundan ozal, 1,25 milliard dollar girdejä garaşýan şereket, indi bu görkezijiniñ 1,33 milliard dollar bolmagyna umyt baglaýar. Bilermenler ulanyjy sanynyñ artmagy bilen, kompaniýanyñ girdejisiniñ hem artýandygyna ünsi çekýär. Çünki mobil mahabatlaryñ bahasy ulanyjylaryñ sanyna görä kesgitlenýâr. Ýeri gelende aýtsak, "Facebook" ikinji çärýekde ulanyjy sanyny 40 million artdyryp, 1,32 milliarda ýetirdi. Degişli döwürde onuñ girdejisiniñ 791 million dollar bolupdyr. NextTM