Sen gidensoň... Sen gidensoň dünýäň reňki solupdyr, Sowulypdyr dabaraly toýlarym. Ömür atym tekiz ýere büdüräp, Döwdüripdir şowlulygyň toýnagyn. Sen gidensoň dereleriň ýygyrdy Känelipdir,sülleripdir güllerem. Sekuntlarym ömür bilen deňleşip, Asyrlara öwrülipdir günlerim. Gursagymy gurşap aldy ýekelik, Sen gidensoň gysdy meni barlygym. Iki bolup ýeke dünýä sygardyk, Hut şo dünýä bir özüme dar bu gün. Hum deý çişen, Gum deý pytran pikirlem, Per berenok ykbal keçlik edensoň. Gör,nämeler boldy munda sen gidip, Hem köp zatlar bolman galdy gideňsoň..