Rus rubly apreliň başyndan bäri dollara gatnaşykda 12 göterim berkedi, bu dünýä pullarynyň arasynda iň gowy netijedir. Munuň sebäbini bilermenler Ýakyn Gündogardaky gapma-garşylyk sebäpli energiýagöterijileriň gymmatlamagynda görýärler. Rubl eýýäm ikinji ýyldyr, ykdysadyýetçileriň çaklamalarynyň tersine, gymmatlaýar. «Bloomberg» agentligi tarapyndan pikiri soralan bilermenler munuň rus pulunyň ýokarlandyrylan hümmedini aňladýandygyny çaklaýarlar. Mysal üçin, «Istar Capital» kompaniýasynyň aktiwleri dolandyryjysy Iskander Lusko häzirki makroykdysady şertleriň «rubluň berkemegi üçin aňrybaş ýaramlydygyny» nygtaýar.