Berkarar döwletiň täze eýýamynyň galkynyşy döwürde Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde, halkymyzyň rowaçlygynyň üpjün edilmegine gönükdirilen düýpli özgertmeler üstünlikli durmuşa geçirilýär, ykdysadyýetiň pudaklaryny okgunly ösdürmek boýunça çäreler amala aşyrylýar. Halkara parahatçylyk we ynanyşmak ýylynyň her bir gününiň taryhy ähmiýetli wakalara, uly zähmet üstünliklerine beslenýär. Bu Gazanylýan üstünlikleriň her biriniň göz başynda Gahryman Arkadagymyzyň, Arkadagly Gahryman Serdarymyzyň halk bähbitli, ynsan ähmiýetli döwletli, tutumly işleri bardyr. Häzirki wagtda şaýollaryň, köprüleriň gurlup ulanmaga berilmegi ýurdumyzda sogap işleriň dabaralanýandygyny görkezýär. Munuň özi halkymyzyň bagtyýar durmuşynyň üpjün edilmegi ugrunda edilýän tagallalaryň aýdyň netijesidir. Häzirki zamanyň ösen we amatly şäher hökmünde ykrar edilen Arkadag şäheriniň nurana ýollary ýurdumyzda bagtyýar durmuşyň dowamata atarylýandygynyň mysaly hökmünde abadançylyk we amatlylyk babatda tapawutlanýar. Täze Arkadag şäherinde halkara ülňülerine laýyk gelýän köpşahaly ýol-ulag düzüminiň bardygyny bellemek gerek. Giň şaýollar, köçeler we halkalaýyn çatryklar halkymyzyň hyzmatyndadyr. Munuň özi ýurdumyzda ýaýbaňlandyrylan giň möçberli gurluşyklaryň toplumlaýyn esasda amala aşyrylýandygyny görkezýär. Bularyň ählisi Garaşsyz Watanymyzyň ösüş ýoly bilen ynamly öňe barýandygyny subutnamasydyr. Gahryman Arkadagymyzyň açylmagyna ak pata beren döwrebap ýol-ulag desgasynyň açylyş dabarasy şatlykly wakalara beslendi. Hormatly Prezidentimiziň Balkan welaýatyna iş saparyny amala aşyrmak üçin paýtagtymyzdan Türkmenbaşy şäherine ugur alan uçarynyň Arkadag şäheriniň üstünden geçýän pursatlarynyň bu ýerde guralýan dabara gabat gelmegi oňa gatnaşyjylarda uly buýsanç duýgularyny döretdi. Köpriniň üstünde we aşagynda ulaglaryň sazlaşykly hereketini üpjün edýän ýollar häzirki zaman talaplaryna laýyk derejede gurlup ulanylmaga berilmegi munuň özi ýurdumyzda hormatly Prezidentimiziň baştutanlygynda sogap işleriň mynasyp dowam etdirilýändigini görkezýär. Eziz Watanymyzda ýol-ulag düzümine degişli desgalaryň gurluşygyna we ozal bar bolanlarynyň durkunyň täzelenilmegine döwlet derejesinde ähmiýet berilýär. Asudalygyň aýdyň nyşany bolan ak kepderileriň we howa şarlarynyň asmana uçurylmagy bilen, döwrebap köpriniň toý bagy kesildi. Şeýlelikde, ýurdumyzda ýol-ulag düzümine degişli täze desga açyldy. Dabaranyň dowamynda Gahryman Arkadagymyzyň tagallasyndan binýat bolan täze şäherde ýene bir bagtyýar maşgalanyň dörändigini alamatlandyrýan gelnalyjy kerweni nurana ýollara rowana boldy. Bu bolsa Diýarymyzda ýagşy işleriň dowamata atarylýandygyny, olaryň şanyna tutumly toýlaryň dabaralandyrylýandygyny alamatlandyrdy. Belent ruha beslenen aýdym-sazlar, joşgunly tanslar bu ýerde guralýan dabaranyň şowhunyny has-da belende göterdi. Arkadag şäherinde häzirki zaman talaplaryna, ýokary halkara görkezijilere laýyk gelýän täze ulag-logistika desgalarynyň açylmagy bu künjekde ýol-ulag gatnawlarynyň sazlaşygyny üpjün edelip ýolagçylar üçin giň mümkinçilikler döredildi. Täze ýol-ulag desgasynyň yşyklandyryş ulgamynyň häzirki zaman görkezijilere laýyk derejede guralmagy, olarda täzeçil tehnologiýalaryň we döwrebap usullaryň ulanylmagy bu künjegiň gijeki görnüşleriniň has-da gözel bolmagyny şertlendirýär. Älemgoşar öwüşginli yşyklar Arkadag şäheriniň nurana agşamlarynda ähli ajaýyplyklary bilen ynsan kalbynda ýakymly täsirleri galdyrýar. Diýarymyzda gurulýan desgalaryň ýanaşyk ýerleriniň abadanlaşdyrylmagy, olaryň yşyklandyryş ulgamynyň döwrüň talaplaryna laýyk gelmegi bu ugurda öňde goýlan wezipeleriň üstünlikli amala aşyrylýandygyny alamatlandyrýar. Goý, dünýä ýüzünde parahatçylygy, durnuklylygy we asudalygy pugtalandyrmakda ägirt uly tagallalary amal edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, döwletli işleri hemişe rowaçlykdan rowaçlyklara beslensin! Awtory: Ogulnar Baýramowa, Türkmenistanyň Kärdeşler arkalaşyklarynyň Arkadag şäheriniň birleşmesiniň hünärmeni