2025-nji ýylyň ilkinji alty aýynda bütin dünýäde 9,1 mln elektromobil satyldy we bu geçen ýylyň degişli döwri bilen deňeşdirilende 28% köpdür. Şeýle maglumatlary Rho Motion analitikleri berýär. Hytaý satuwy 32% – 5,5 mln elektromobile çenli ýokarlandyryp, iň uly dünýä bazary adyny saklady. Ol global satuwyň ýarysyndan gowragyny üpjün etdi. Ýurtda satylýan her ikinji awtomobil – elektrik. Ýewropada 2 mln elektromobil satyldy, bu geçen ýyl bilen deňeşdirilende 26% köpdür. Ösüşe Renault 4 we Renault 5 ýaly has elýeterli modelleriň çykmagy ýardam etdi. Zarýad berilýän gibridler hem, esasan, hytaý üpjün edijileriniň kömegi bilen 27% ösüş görkezdi. Ispaniýada satuw maliýe goldawynyň netijesinde 85%, Beýik Britaniýada – 32%, Germaniýada – 40% ýokarlandy. Fransiýada alyjylar üçin goldawyň ýoklugy sebäpli 13% pese gaçyş hasaba alyndy. Demirgazyk Amerikada satuw bary-ýogy 3% – 900 müň awtomobile çenli ýokarlandy. ABŞ-da ösüş 6%, Meksikada 20% boldy. Kanadada, tersine, 23% pese gaçyş hasaba alyndy. 30-njy sentýabrdan ABŞ-da maliýe goldawynyň azalyp bilmegi ýylyň ikinji ýarymynda islege täsir edip biler. Dünýäniň galan bölegi 700 müň satylan elektromobil bilen 40% ösüş görkezdi.