New Balance kompaniýasy amerikaly tennisçi Kori Gauffdan we onuň önüp-ösen Delreý-Biç şäherinden ylham alyp döredilen krossowkany çykardy. Bu barada The Hollywood Reporter habar berýär. Krossowka 30-njy iýunda başlaýan Uimbldon ýaryşynyň öňüsyrasynda hödürlendi. Hatara Coco Delray we Coco CG2 modelleri girdi. Olaryň ikisi-de ak-ýaşyl reňk gammasynda ýerine ýetirildi. Coco CG2 modeli Kori Gauffyň ýaryş aýakgabydyr. Ol ony 2025-nji ýylda geçirilen Fransiýanyň Açyk çempionatynyň tutuş dowamynda geýdi. Ol 7-nji iýunda ýaryşyň finalynda dünýäniň birinji raketkasy Arina Sobolenkony utup, “Rolan Garrosyň” ýeňijisi boldy. Gauff soňky on ýylda bu abraýly ýaryşda titul alan ilkinji amerikaly tennisçi boldy.