Visualcapitalist portalynyň hünärmenleri 2024-nji ýylda 25 ýurduň iň baý we iň garyp ýaşaýjylarynyň gündelik girdejilerini görkezýän infografikany taýýarladylar. Our World in Data taslamasy tarapyndan toplanan maglumatlar ABŞ-nyň dollarynda görkezilýär we 2017-nji ýylyň bahalary boýunça satyn alyjylyk ukybynyň pariteti (PPS) nazarda tutulyp düzedildi. Bu hümmetsizlenmäni we ýurtlaryň arasyndaky ýaşaýşyň gymmatynyň aratapawudyny göz öňünde tutýar. Maglumatlara görä, iň baý amerikalylaryň 10%-i günde adam başyna ortaça 156 dollar gazanýar. Bu beýleki ýurtlardaky şuňa meňzeş toparlaryňkydan ep-esli köp. Girdejiler salgytlar tölenenden we sosial ýeňillikleri alandan soň, sarp ediş ýa-da girdeji maglumatlary esasynda hasaplanýar. Adam başyna, şol sanda çagalara düşýän girdeji, daýhanlaryň öz sarp etmegi üçin ösdürip ýetişdirýän iýmitleri ýaly pul däl çeşmeler hem göz öňünde tutulýar.