Dünýäde eýýäm iň gymmat oýun adyny alan Star Citizen kosmiki ekşen oýnunyň býujeti aprel aýynyň başynda 800 mln dollardan geçdi. Hasaba alnan akkauntlaryň sany 5,58 mln adama ýetdi. 2024-nji ýylyň maý aýynda taslamanyň býujeti 700 mln dollardy. 11 aýyň dowamynda oýny işläp düzüjiler goşmaça 100 mln dollar toplady. Uly maýa goýumlara we oýunçylaryň gyzyklanmalaryna garamazdan, oýun henizem alfa-synag tapgyrynda galýar. Döredijiler reliziň 2027-nji ýyldan ir bolmajakdygyny habar berýär. Şol wagta çenli býujet 1 mlrd dollara ýetip biler.