Samsung Galaxy S22 Ultra ulanyjylary 2024-nji ýylyň sentýabr aýynda çykarylan One UI 6.1 täzelenmesi gurnalandan soň, düýpli meseleler bilen ýüzbe-ýüz boldular. Gizmochina portalynyň ýazmagyna görä, täzelenme Galaxy AI funksiýasyny kämilleşdirip, gurluşyň umumy öndürijiligini ýokarlandyrmalydy. Ýöne munuň deregine ol gajetleriň köpçülikleýin gowşamagyna, doňmagyna we tükeniksiz gaýtadan işe girizmelere getirdi. Ulanyjylar ýygy-ýygydan bolýan näsazlyklary, duýdansyz gaýtadan işe girizmeleri we smartfonyň doly derejede hatardan çykýan ýagdaýlaryny bellediler. Käbirleri resminamalar, suratlar we bellikler ýaly maglumatlaryň ýitendigini habar berýär. Samsung-yň hyzmat merkezlerinde meseleleriň baş platanyň näsazlygy bilen baglanyşyklydygyny aýtdylar. Şeýle-de bolsa, gurluşy indi kepilde bolmadyk ulanyjylar abatlaýyş üçin tölegi özleri tölemeli bolar. Onuň bahasy, takmynan, 480 dollara barabar.