Mercedes-Benz çäkli nusgada çykjak GLC 300 4Matic Avantgarde modellerini hödürledi. Awtoulag premium funksiýalar toplumy bilen enjamlaşdyrylyp, rahatlygy söýüjiler üçin niýetlenendir diýip, 32Cars.ru ýazýar. GLC 300 4Matic Avantgarde panorama üçegi, Keyless-Go ulgamy we ýatda saklaýjy sazlamalary bolan gyzdyrylýan öňdäki oturgyçlary bilen tapawutlanýar. Awtoulagyň daşky görnüşi hrom elementleri, 20 dýuýmlyk teker diskleri we alýumin üçek reýlingleri bilen bezelendir. Ulagyň salony gara reňkli deri we agaç elementleri bilen bezelipdir. Salonyň yşyklandyrylyşy sazlanýar, MBUX multimediýa ulgamy bolsa Apple CarPlay-den Android Auto-a integrasiýany goldaýar. Şeýle hem barmak yzynyň skaneri we enjamlar üçin simsiz zarýad beriji bar. Tehniki taýdan awtoulag 255 at güýjüni öndürýän hereketlendiriji we 400 Nm aýlanma pursaty bilen enjamlaşdyrylandyr.