ZTE kompaniýasynyň prezidenti Ni Feý ýakyn wagtda çykjak Nubia Z70 Ultra smartfonynyň kamerasyndan düşürilen suratlary çap etdi. Täze model 35 mm esasy kamerany we ösen telefotoobýektiwi öz içine alýan innowasiýa kamera ulgamynyň kömegi bilen ykjam surata düşürmegiň ýokary standartlaryny ýola goýmagy wada berýär diýip, Notebookcheck.net ýazýar. Diafragmanyň diapazony baradaky maglumatlar entek tassyklanmadyk hem bolsa, şekiller kameranyň f/4.0-de işläp biljekdigini görkezýär. Mundan başga-da, Ni Feý Weibo-da kameranyň dürli diafragma ölçeglerindäki mümkinçiliklerini görkezýän wideony çap etdi. Esasy kameradan başga-da, Nubia Z70 Ultra -da täze telefoto tehnologiýasy bolar, ol ýokary takyklykda uly formatdaky suratlary almaga mümkinçilik berer. ZTE häzirlikçe telefonyň obýektiwiniň ulaldyşynyň takyk häsiýetnamasyny we foksunyň aralygynyň aýratynlyklaryny açyp görkezmese-de, çap edilen şekiller sanly ulaltmalarda köplenç duş gelýän ýokary hili we artefaktsyz jikme-jiklikleri görkezýär. Nubia Z70 Ultra Snapdragon 8 Elite çipine esaslanýan ilkinji smartfonlaryň biri bolar.