Norwegiýa dünýäde elektrikli ulaglaryň sanynyň benzinli ulaglaryň sanyndan agdyklyk edýän ilkinji ýurdy boldy. Ýol hereketi boýunça maglumat geňeşiniň (OFV) habaryna görä, ýurtda 754 303 elektrikli ulag hasaba alyndy, bu bolsa 753 905 benzinli ulag bilen deňeşdirilende 398 köpdür. Şeýle hem ýurtda, takmynan, 366 müň gibrid we dizel hereketlendirijili milliondan gowrak awtoulag bar. OFV-niň müdiri Oýwind Solberg Torsen bu wakany “taryhy” diýip atlandyrdy. Torsen: “On ýyl ozal munuň möhüm tapgyr boljakdygyna garaşýan azdy. Ýeňil ulag parkyny elektrikleşdirmek çalt depginde ösýär we Norwegiýa dünýäde ýeňil ulaglaryň arasynda elektrikli ulaglary agdyklyk edýän ilkinji ýurt bolmak ugrunda çalt depginler bilen öňe gidýär "-diýdi. Şeýle hem, ol 2026-njy ýyla çenli ýurtda elektrikli awtoulaglaryň sanynyň dizel awtoulaglarynyň sanyndan köp boljakdygyny çaklaýar. The Washington Post-yň belleýşi ýaly, elektrikli ulaglaryň meşhurlygyny artdyrmak hökümetiň işjeň syýasaty bilen goldanýar. Norwegiýanyň hökümeti elektrikli awtoulag eýelerine salgyt ýeňilliklerini, awtoulag duralgasy üçin arzan tölegi we awtobus zolaklaryny ulanmak mümkinçiligini öz içine alýan ýeňillikleri berýär. Bu 2024-nji ýylyň awgust aýynda täze awtoulaglaryň umumy sanynyň 94% -ine ýeten satuwlaryň işjeň bolmagyna öz täsirini ýetirýär. Bu ösüşiň esasy hereketlendirijisi Tesla Model Y-yň (takmynan, iki müň awtoulag) satuwy boldy.