Prezident Serdar Berdimuhamedow Braziliýa Federatiw Respublikasynyň Prezidenti Luis Inasiu Lula da Silwa ýurduň San-Paulu ştatynda ýolagçy uçarynyň heläkçilige uçramagy hem-de bu betbagtçylygyň köp sanly adam pidalaryna getirmegi zerarly gynanç hatyny iberdi. Döwlet Baştutany şu agyr pursatda gurban bolanlaryň dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle-de hut öz adyndan ýürekden gynanjyny, medet beriji sözlerini beýan etdi. 9-njy awgustda gündiz Braziliýanyň Winýedo (San-Paulu ştaty) munisipalitetinde ATR-72 uçary heläkçilige uçrady. Uçarda 57 sany ýolagçy we 4 sany uçaryň ekipažy bardy. Uçardakylaryň hemmesi aradan çykdy.