Samsung Electronics ikinji çärýegini oňyn maliýe netijeleri bilen ýapdy. Kompaniýanyň arassa girdejisi alty esse artyp, 6,96 milliard dollara ýetdi. Bu seljerijileriň çaklan 5,8 mlrd dollaryndan ep-esli ýokary boldy diýip, Bloomberg belleýär. Kompaniýanyň girdejisi 23% artyp, 53,5 milliard dollara we amal girdejisi 15 esse artyp, 7,6 milliard dollara ýetdi. Ösüşiň esasy hereketlendirijisi ýarymgeçirijileriň önümçilik işidir. Onuň amal girdejisi, HBM çiplerine bolan islegiň ýokarlanmagy sebäpli, 4,7 milliard dollara ýetdi. HBM3E-niň satuwyndan alnan girdeji, birinji çärýek bilen deňeşdirilende, 50%-den gowrak ýokarlandy. Samsung geljek ýyl HBM-iň önümçiligini iki esse artdyrmagy meýilleşdirýär. Barlagyň we işläp taýýarlaýyşlaryň çykdajylary 11% artyp, 5,8 milliard dollar boldy. Işgärleriň iş taşlaýyşlaryna garamazdan, bu önümçiligiň depginine täsir etmedi. Şeýle hem Samsung ilkinji nobatda bu ýyl serwer segmenti üçin çipleriň üpjünçiligine üns beriljekdigini, şol bir wagtyň özünde smartfon segmentinde girdejiniň AI-li gymmat modellere bolan islegiň hasabyna ösmegine garaşylýandygyny aýtdy.