Çarşenbe güni, 1-nji maýda ABŞ-nyň Türkmenistandaky ilçihanasy onlaýn görnüşde auksion (bäsleşikli söwda) geçirer. Bu barada TmCars-a amerikan diplomatik wekilhanasynyň Maglumat we medeniýet bölüminde habar berdiler. Auksionda ilçihananyň Administratiw-hojalyk bölümi ulanylan mebel we öý enjamlaryny satuwa çykarar. Auksion https://online-auction.state.gov/ saýtynda onlaýn görnüşde geçiriler. Auksiona gatnaşmak isleýänler web sahypasynda öz profilini döredip, web sahypada ýazylan auksionyň düzgünlerini gyşarnyksyz ýerine ýetirmelidirler. Satuwlaryň hemmesi gutarnykly bolmak bilen, önümler auksionda görkezilen ýagdaýynda berler.