Režissýor Jeýms Kemeronyň 1997-nji ýylyň dekabrynda ekranlara çykan «Titanik» atly meşhur filmi geçen ýyl 25 ýyllygyny belledi, emma bu sene bilen bagly çäreler dowam edýär. Filmiň ahyrsoňy 4K Ultra HD/Digital Blu-ray ölçeginde çykjakdygy belli boldy, ol iri sanly meýdançalarda elýeterli bolar. Filmiň premýerasy 2023-nji ýylyň 5-nji dekabryna bellendi. «Titanik» öz döwründe dünýäde kassa ýygymlary babatda öňdeligi eýeledi, ol häzir hem Jeýms Kemeronyň «Awatar» we «Awatar: Suwuň ýoly» filmlerinden soň bu ugurda dördünji orny eýeleýär. Film 11 ugur boýunça «Oskar» kino baýragyna mynasyp boldy. «Titanigiň» 4K ölçegdäki Blu-ray sowgatlyk neşiri 15 sagatlyk maglumatlary, şol sanda Kemeronyň, Jon Landaunyň we Keýt Uinsletiň täze interwýularyny özünde jemlär diýip, «Kinonews.ru» habar berýär.