20-nji martda “Gazprom” Hytaý tarapynyň şertnamadaky gündelik borçnamalardan ep-esli ýokary bolan islegini kanagatlandyryp, "Sibiriň güýji" boýunça Hytaýa gündelik gaz ibermekde täze taryhy rekord goýdy. Bu barada holdingiň habarynda aýdylýar. "20-nji martda Hytaý tarapynyň "Sibiriň güýji" gaz geçirijisi boýunça rus gazyny almak baradaky sargydy gündelik şertnamalaýyn borçnamalardan ep-esli ýokary boldy. "Gazprom" talap edilýän mukdary üpjün etdi we Hytaýa gündelik gaz ibermekde täze taryhy rekord goýdy" - diýip habarda aýdylýar. Üpjünçilik "Gazprom" bilen CNPC-iň arasynda ikitaraplaýyn uzak möhletli gaz satyn almak we satmak şertnamasynyň çäginde amala aşyrylýar diýip, kompaniýada ýatlatdylar. 2022-nji ýylyň ahyrynda Russiýa “Sibiriň güýji” gaz geçirijisi arkaly Hytaýa rekord derejede 15,5 milliard kub metr gazy eksport etdi. Şol bir wagtyň özünde, ýakyn ýyllarda “Gazpromyň” Hytaýa eksportynyň umumy mukdary ýylda 48 milliard kub metr, Mongoliýanyň üsti bilen çak edilýän tranzit gaz geçirijisini göz öňünde tutsaň bolsa - ýylda takmynan 100 milliard kub metr gaza ýeter diýip, "Gazpromyň" başlygy Alekseý Miller belledi.