Bibini gördüm

Ajap Aý astynda seýle çykamda,
Al-elwan geýinen Bibini gördüm.
Jahyllykdan geçip juwan çykamda
Juwana saz gelýän Bibini gördüm.

Bilmeýen zatlarym serimden aýlap,
Yşkyň söwdasynda Garyp deý gaýnap,
Ençe uz içinde bir seni saýlap,
Tapmyşam ýa walla Bibini gördüm.

Ýaňaklary alma, saçlary mele,
Gözlerimde görseň meňzär melege,
Şol bilen bir ömür geçirsem bile,
Armansyz ötürjek Bibini gördüm.

Synlap ganmarynla, ýar didaryndan,
Berjekle wah, gymmatymyň baryndan,
Oglan aýdar bu söýginiň zaryndan,
Zor gelgen, azmly Bibini gördüm.

Umyt Nazarow