Kitap we altyn hakynda

Alym gije-gündiz dürler saçypdyr,
Söwdagär bir kaşañ dükan açypdyr.

Akyl-huşun jemläp ýazypdyr alym,
Söwdagär il aldap, bozupdyr pälin.

Kitabyñ yzyndan döräpdir kitap,
Söwdagär baýapdyr, il içi tütäp...

Alym wagt gelip ýogalan ahyr,
Söwdagärem baka ötüpdir pahyr.

Alym kitaplaryn galdyran ilde,
Söwdagär altynyn gizläp zibilde.

Kitaplary okap, il akyl alan,
Altyn ýere siñip ýitirim bolan.

Alym okalyp ýör, müdimi gerçek,
Söwdagärem ýatdan çykypdyr birçak.

Eziz Ykbal.