Talyplar

Bapba Gokleň, merhum şahyry tanaýanymyz az-az bolsa gerek.merhum şahyryň goşgularyndan bir bölegini size yetirmegi makul bildim. Ýolma, guşuñ ganatyn! Ne oýundan, ne çyndan, Ýolma guşuñ ganatyn! Pent bolsun şu menden Ýolma guşuñ ganatyn! Kim galkar asman sary, Ýolsañ guşuñ ganatyn?! Uçýan, uçmaýan bary Bolmazmy garym-gatym! Guşuñ ganatyn ýolma, Bozma kaddy-kamatyn. Bolsañ bol ýerde ýorga, Ýolma guşuñ ganatyn! ******* Hakykaty gömdüler… Hakykaty gömdüler. Dikligine gömdüler – Bir metr aşak, Bir ýyldan çykypdyr Kellesin gaşap. Hakykaty gömdüler. On metr çuñlukda – Ýene dikligine Hakykat on ýyldan Çykypdyr ýene. Hakykaty gömdüler. Dikligine gömdüler – Ýüz metr teýde, Hakykat ýüz ýyldan Bolupdyr peýda... Bu işde ýetmezlik bilinmän durmy, Ýatyryp gömseler boljakdy kemsiz. Ah, ýöne hakykat şeýle bir keçjal, Ony nä, ýatyryp, gömüp bolýarmy?! ******** PYŞYRDYLAR Pyşyrdylar, pyşyrdylar, Sizi çöpläp üýşürdiler, Paýladylar gapy-gapy, Şeýdip, aşa düşürdiler. Pyşyrdylar, pyşyrdylar, Sizi gaty çişirdiler, Çişirdiler ýamanñyzy, Ýagşyñyzy ýaşyrdylar. Pyşyrdylar, pyşyrdylar, Sizi juda üýşürdiler, Ýakdylar ýamanlyk odun, Soñ özleri üýşendiler ******* Nadan najyrar eger, Çörek ýetse agzyna, Eden etdilik eder, Emel ýetse azgyna. Hasapsyz zat ýok herne Ynsap baryn ýazarmyş. Erksizlikde ejizlän, Azatlykda azarmyş. Bir laýyk tap tapylmaz, Ne beýle sen adamzat. Horluk hem hezil bermez, Meslik berer köp azap Alynan çeşme: gunesh.org

Bagul

16 years ago

Menin in gowy goryan goshgym, bilyan yazayayyn yadyma dushyan yerlerini:
Gannalyn oyunda Tejende galdy,
Menin yigit wagtym, senin gyz wagtyn,
Ok gechmez yyldyzlan ichinde galdy,
Menin yigit wagtym senin gyz wagtyn.

Soyushmek dushmejek yalydy yada,
Emma soygi diyen jadyly zada,
Hokum etmez eken hich hili kada,
Entek yigit wagtym, senin gyz wagtyn.

Dariler yanyardy ys kopelyardi,
Gelyanler gityanler has kopelyardi,
Toylar azalyardy yas kopelyardi,
Menin yigit wagtym, senin gyz wagtyn.

Golaylap bashlanda lebine lebim,
Chabyrap bashlanda demine demim,
Naz bilen iterdin:"Hany edebin?
Soygi bulashmazmy edep az wagty?"

Oñuşmaly bordum saçlaryñ ysgap
Leb gadagan wagty-olam bir hasap
Ýöne beýle hasap düşmezdi añsat:
Hasap ýitýän eken
Dyzba-dyz wagtyñ.

Çykarmy ýadymdan şol täsin pursat?
(Çykjak bolaýsa-da bermen rugsat !)
Gursagmyñ üstünde gürsüldäp gursak,
Keteniñ içinde gyzyl köz wagtyñ

Sagatlar tiz geçdi,tiz geçdi şeýle,
Ýañja-da guşlukdy,bolupdyr öýle.
Sen diýdiñ:"Pylan jan,gaýdaly öýe,
Ýigdiñ öz wagty bar,gyzyn oz wagty.

Diyerdim geregim chen body oylan,
Ahli boydashlaryn sachlary boglan,
Sen diyerdin:"Garrap baryanmy oglan",
Yigdin oz wagty bar gyzyn oz wagty.

Bilmedim namanin hesibi boldy,
Ejen bir sawchynyn yesiri boldy,
Sheytdi-de ozganin nesibi boldy,
Bulashdy sowamyz dunyan yaz wagty.

Atdylar mashyna ses etdim aglap,
Topuldym chekdiler golumdan towlap,
BIr menzile gitdim yzyndan yglap,
Gok kurtelem bolsan heniz gyz wagtyn.

Arada aylandym Tejen yerlerne,
Yashlyk yyllarymyzyn gechen yerlerne,
Seredip goz yashyn sechen yerlerne,
Gechirdim bir gije bir gundiz wagtym.

Gannaly hem otyr onki yerinde,
Torranny hem otyr onki yerinde,
BIr tapmadyk zadym onki yerinde,
Menin yigit wagtym, senin gyz wagtyn.

Shuncha hazynany bir kurta dokup,
Yitdin gozlerimden danyn saz wagty,
Goshgyma dushuner yshk yukun cheken,
Chekmedik yitirer oz eziz wagtyn.

Menin-a yaydma dushyanler shular, yzyny bilyanler bar bolsa yazaysyn gayrat edip :)

mazmun

Görer gözleriň görmese,
«Göreýin» diýip, görüp bolmaz,
Içiňde janyň bolmasa,
«Jan bereýin» diýip bolmaz.

Aýaksyz alys menzile
Arzuw bilen ýetip bolmaz.
Sen nagt bagt gözleme,
Bagt guş däl, tutup bolmaz.

Ýürekde uçgun bolmasa,
«Ýanaýyn» diýip, ýanyp bolmaz.
Jana il derdi ýoluksa,
Bu dertden dynyp bolmaz.

BЕSDIR!

Diýdiler maňa «Besdir,
Köp içdiňgamyñ meýin.
Şarpyk hem degdi bassyr,
Onda-da kişi deýin,

Sen parhly bol ykbaldan.
Ykbal işi köre-kör.
Senden ozal bu ýoldan
Zaryn aglap öten bar.

Uzak ýolda kötel bar,
Darykma sen, dat etme.
Ykbala – gara garga,
Umydyňy dalatma.

Gam çekme, galdyr başyň,
El-aýagňa eýe bol.
Bu dünýäde dünýäniň
Özi ýaly çeýe bol».

AňKAW BILЕN MAHAW

Aňkaw bilen Mahaw
Tapdy dünýäni.
Mahaw barmagyn dürtdi:
– Wä, muny,
Wä bu dünýäni!
Aňkaw aňkardy,
Aňkawlygy artdy.
Aňkaw bilen Mahaw
Gördüler Güni.
Mahaw Aňkawa diýdi:
– Wä, ony,
Wä, ol Güni!
Aňkaw aňkardy,
Aňkawlygy artdy.
Aňkaw bilen Mahaw
Duşdy adama.
Mahaw barmagyn dürtdi:
– Wä, bu zady,
– Wä, bu adamy!
Aňkaw aňkardy,
Aňkawlygy artdy.
Mahaw-a geň görüp,
Aňkaw aňkaryp,
Olar ýer üstünde gezdiler bir çen.
Aňkaw bilen Mahaw
Tapdylar ajal.
Mahawyň çalaja ýetip mejaly
Diýdi ak ýürekden:
– Wä, bu ajaly!
Ajala ýürekden çala aňkaryp,
Aňkaw Mahaw bilen ýatyr ýanaşyk.
Diýdi Aňkaw öz sesini geň görüp:
«Biz bu dünýä haýran galyp ýaşadyk»

Gapyny gaty ýapmaň!
Ýapmaň gapyny gaty.
Gaty göreris hökman,
Göreris gaty.

Gapyda näme günä,
Gapyny gaty ýapmaň.
Yzyňdan sögerler hökman,
Gapyny gaty ýapmaň.

Gaty gapyda galmaz,
Seň bilen gider gaty:
Bir çeti seniň bilen,
Bärde galar bir çeti.

Gapyny gaty ýapmaň,
Ýapmaň gapyny gaty.
Nähak janyňy ýakýaň,
Galmaz gatyň bir çeti.

Gatyny gapa ýapmaň,
Gaty ýapmaň gapyny,
Gowsy gapyny ýapmaň,
Gap ýapyny!

Bapba Gokleng(merhum)