Salam hormatly agzalar we gadyrly myhmanlar! Şugün stv-niň “Ýeşeren düşler” (Umytlanan düýşler) atly seriýalyna seretdim. Uzak wagtlap türkleriň tw-dir gazetlerine seretmändim, birhili, küýsäne çalymdaş bir duýgy geçdi içimden. Maksadym esasy bu däl-de, şol serialyň bu gezekki sanynyň asyl mowzugy bolmaly, ýagny, erbet ynsanlaryň we laryň aldawyna düşenleriň gowy ynsanlara atýan töhmetdir şyltaklary, ynsanlaryň edýän hyýanatlarydyr aýdýan ýalanlaryny görüp, “Allahym, sen şu we şuňa meňzeş ýagdaýlardyr bela-beterlerden meni, maşgalamyzy, ýakynlarymyzy, dost-ýarlarymyzy, musulmanlary, ynsanlary gora! Hakykatlary we bolup geçýän wakalaryň iç ýüzlerini bize bildir we dogry kararlar bilen amal etmegibize miýesser et!” diýip dileg etmek ggelýär ynsan aklyna! Seriýalda hususy bir mekdebiň oňat ahlakly, imanly ýaş müdirine şyltak/töhmet atýalar. Onuň özüne mynasyp gelni bolsa muňa doly ynanýar we ýanýoldaşyny gahar bilen taşlap çykyp gidýär. Netije indiki bölüminde belli bolar welin, şeýle gowy ynsanlary, olaryň maşgalalaryny we durmyşlaryny awy-zäher edýän ynsanlara nälet okasyň gelýär. Şu ýagdaýa çydap, hötdesinden gelmek, gör, nähili agyr?! “Men” diýen ýigitdir asylly zenan maşgalalary dyzlaryna çökerdýär.Elbetde, bu ýagdaýlar Allahyň sebäpler älemindäki biz ynsanlara synagydyr. Şu ýagdaýda muny pikir edip, Allaha doly töwekgellik edip, Oňa bil baglap, Ondan ýagşy netijeleri dilemeli! Kuranyň aýatlarynda bu babatda bize şeýle maslahat berilýär: “Eý, iman edenler! (Kyn ýagdaýlaryňyzda) ybadat ediň we sabyr bilen Menden diläň! Elbetde, Allah sabyr edenler bilen birlikdedir!”