Nirde sen, nirde sen, ermeni gyzy,
Gezsem taparmykam bütin dünýäni?
Ol gün ýel ösýärdi, tozadyp gary,
Snarýad ýagýardy, ýanýardy däri

Agaçlar burjulap, ýerler doňupdy,
Beýnim sarsyp, ýüzüme gan eňipdi.
Gulak eşidýärdi, göz görmeýärdi,
Iki elim ganly gar sermeýärdi.

Başymy galdyryp bir ýakymly el,
Zenzele içinde bir zat diýdi ol.
Süýt beren ene dek edýärdi emi,
Çawýardy ýüzüme ýakymly demi.

Ýadymda däl aýdan sözleriniň bary,
Şulary ýat tutdum şol günden bäri:

Şol halas etdi ölümden meni.