Балканабат шәхериниӊ 209-нҗы яшайыш топлумындакы «Алтын Асыр» («Алтын Асыр» япык гөрнүшли пайдарлар җемгыети) барып телефонымыӊ тарифини «Совгат 2000»-е өврейин дийсем, Ашгабатда гечирилҗек V Азия оюнларына билетлер сатылян экен, шол ерде. Бегенип гитдим. Шахсыетиӊи тассыклаян документ герек экен. Паспортымы бердимде, өӊи билен V Азия оюнларыныӊ ачылыш хем япылыш дабараларына петек алдым. Хернә етишәйипдирин. Ене бир-ики гүн гиҗә галан болсам петек етмеҗек экен. Адамлар түвелеме етишикли. Болман нәме, бейле арзан бахадан халкара ярышына билет алып билсеӊ телпегиӊи гөге зыӊмалы. Онсоӊ өз говы гөрйән түркмен гөрешимеде петек алдым. Айыӊ хайсы гүни хайсы ярыша петек алҗак дийсеӊ, шол ерде йөрите таблица бар экен. Ине, сайлада отур хайсы ярышы гөресиӊ гелсе. Өзүм ялы җанкөерлере меӊ-ә маслахатым, ховлугыӊ! Ёгса петек етмән багтлы пурсатлары элден гидерерсиӊиз!