Диярымызыӊ хер бир күнжегинде хәзирки заман спорт десгалары, мекдеплери херекет эдйәр. Өз сайлап алан угурларында өкде, эзбер яш несиллер учин әхли шертлер дөредилендир. Ашгабат шяхеринде гечирилжек Япык биналарда ве сөвеш сунгаты боюнча V Азия оюнларыныӊ гүнсайын якынлашмагы мынасыбетли гечирилйән спорт ярышдарында байраклы орунлары эеләп гелйән яш түргенлер бизиӊ хер биримизи дийсеӊ буйсандыряр. Хәзирки вагтда бу оюнларыӊ санавына гирян хер бир спорт горнуши боюнча түркмен түргенлери ёкары дережеде улы тайярлык гөрйәрлер. Азиада—2017-де чыкыш этҗек яшларыӊ арасында гелҗегине улы ынам билдирйән мекдеп окувчыларыныӊ болмагы дийсеӊ гувандырыҗы ягдайдыр. Яш түргенлеримизиӊ өнде дуран мөхум ярышларда үстүнлик газанып, Ватанымызыӊ спорт абрайына өз гошандыны гошмаклыгы арзув эдйәрис.