Беркарар дөвлетимиз себитде ве дунйәде парахатчылыгыӊ ве дурнуклылыгыӊ беркидилмегине хем-де достлуклы гатнашыкларыӊ өсдүрилмегине мөхүм әхмиет берйәр. Битараплык йөрелгелери диӊе бир юрдумызыӊ дашары сыясатыныӊ эсасы угурларыны кесгитлемек билен чәкленмән, эйсем дүнйәде сыясы дурнуклылыгыны голдамага, достлук ве хошниетли гоӊшучылык гатнашыкларыны беркитмәге хем ярдам эдйәр. Сонкы йылларда юрдумызыӊ әхли ерлеринде дөвребап демир ве автомобиль ёллары чекиляр, демир ве автомобиль көпрулери гуруляр. Иӊ ёкары халкара улӊулре лайык гелйән тәсин иҗенер-улаг комуникацияларыны гурмак ве ише гиризмек боюнча ёкары дережедәки өсүше эйе боляр. Мунуӊ өзи юрдумызыӊ гүндогар себитиниӊ өсүшиниӊ мысалында хем айдыӊ гөрүнйәр. Якында Түркменабат—Фарап, Амыдеряныӊ үстунден чекилен Атамырат—Керкичи автомобиль ве демир ёл көпрүлери ише гиризилди, шейле хем Атамырат—Ымамназар—Акина демир ёлы уланмага берилди. Бу көпрүлер өзболушлы гурлушыгы билен гөренлери хайран галдыяр. Десгаларыӊ хер бири ёкары халкара өлчеглерине лайык гелип, олар иӊ хәзирки заман материалларындан гуруландыр, техники ве уланыш ховпсузлыгы бабатда зерур энҗамлар билен үпҗун эдилендир. Шейле десгаларыӊ уланмага берилмеги улаг улгамында халкара хызматдашлыгыныӊ мөхум бөлеклериниӊ бири болуп дуряр. Бу дөвребап тәзе көпрүлер гайтадан дикелдилйән Бейик йүпек ёлунын мөхүм бөлегине өврүлер. Бу ёлун эсасы везипеси достлуклы хызматдашлыгы өсдүрмәге, парахатчылыгы ве ровачлыгы пугталандырмага ярдам этмекден ыбаратдыр.