Беркарар дөвлетиң багтыярлык дөврүнде Гарашсыз ве Бакы Битарап Түркменистан юрдумызың хер бир гүни тойдур байрамлара, шанлы сенелере бесленйәр. Шейле байрамчылыкларың бири хем, хер йылың 18-нҗи майында юрдумызда гиңден беллнилйән «Галкыныш, Агзыбирлик ве Магтымгулы Прагының шыгрыет гүни» байрамчылыгыдыр. Бу шанлы сене асуда, парахат юрдумызда улы дабара, улы шовхуна бесленилип, гиңден белленилйәр. Байрамчылык мынасыбетли юрдумызың әхли күнҗегинде айдым-сазлы дабаралар белленилип гечилйәр. Шол санда, юрдумызың Мары велаятының Мары шәхеринде хем шанлы сене мынасыбетли ылымы маслахатлар, айдым-сазлы дабаралар, тәсирли чыкышлар болды ве бирнәче сахна эсерлери гоюлды. Бейик акылдар шахырымыз Магтымгулы Прагы өзүниң бүтин өмрүниң довамында түркмен халкыныӊ асуда, эркин, парахат дурмушда яшамагыны арзувлапдыр. Шахырың «Чох гарашдым аҗап эйям гелмеди» атлы шыгыры муңа айдың мысалдыр. Хәзирки вагтда түркмен халкы, Магтымгулы Прагының арзув эдиши ялы, асуда эркин, парахат дурмушда, гарашсыз юртда яшаяр. Гахрыман Аркадагымызың бимөчбер аладаларының нетиҗесинде Магтымгулы Прагының «Беркарар дөвлет исләрин» дийип эден арзувы бу гүн сөзүң долы манысына эе болды. Бизи шейле асуда, парахат юртда яшадян хорматлы Президентимизе көп сагболсун айдярыс!