Hormatly agzalar men size Türkmen sportunyň ussatlary bilen tanyşdyrmagy dowam edyan Öwez Öwezow Berkarar döwletiň bagtyýarlyk döwri sporty sagdynlygyň gözbaşy, halkara hyzmatdaşlygynyň we dostlugyň ilçisine öwürdi. Gözel paýtagtymyzda 2017-nji ýylda Ýapyk binalarda we söweş sungaty boýunça V Aziýa oýunlarynyň geçirilmegi ýurdumyzda sagdyn-durmuş ýörelgelerini wagyz etmek, ony jemgyýetimize ornaşdyrmak, raýatlarymyzy bedenterbiýe we köpçülikleýin sporta çekmek, ösüp gelýän ýaş nesli sporta we halal zähmete hormat goýmak ruhunda terbiýelemek işleri amala aşyrylýar. Şu ýylyň aprel aýynyň 19-30-y aralygynda Aziýa oýunlarynyň geçiriljek ýeri bolan Olimpiýa şäherjiginde kik-boksinkden, agyr atletikadan hem sambo we söweş sambo göreşinden synag ýaryşlary geçiriljek. Bu ýaryşlara Türkmenistanyň Milli sport we syýahatçylyk institutynyň talyplary hem ganaşýar. Şolaryň biri hem 1997-nji ýylyň 11-nji iýunynda Daşoguz welaýatynyň Gurbansoltan eje adyndaky şäherçesinde doglan Öwez Öwezowdyr. Sporta bolan söýgüsi ony Türkmenistanyň “Olimp” orta sport mekdebine alyp geldi. Onuň ünsüni çagalykdan sportuň agyr atletika görnüşi özüne çekýärdi. Tele ýaýlymlarda agyr atletika baradaky sport gepleşikleri, ýaryşlary sypdyrman görýärdi. Deň-duş oglanlarynyň birnäçesi bilen mekdebiň sport zalyndaky agyr atletika degişli enjamlary göterip, türgenleşik geçýärdiler. Olaryň bu güýmenjesi mekdebiň bedenterbiýe mugallymynyň ünsüni özüne çekdi we olar bilen türgenleşip başlady. Köp wagt geçmänkä Öweziň agyr atletika bolan garaýşynyň çynlakaýlygy ýüze çykdy. Ol Türkmenistanyň “Olimp” orta sport mekdebine synaglary üstünlikli tabşyryp, okuwa girdi. Sport mekdebindäki yzygiderli türgenleşik okuwlary Ö.Öwezowyň dürli derejeli ýaryşlarda baýrakly orunlara mynasyp bolmaga getirdi. 2013-nji ýylyň 25-nji maý 2-nji iýun aralygynda Katar döwletiniň Doha şäherinde agyr atletika boýunça ýetginjekleriň arasynda geçirilen halkara ýaryşynda 85 kilogram agramda çykyş edip ol 2-nji oruna mynasyp boldy. Häzirki döwürde Öwezow Öwez Türkmenistanyň Milli sport we syýahatçylyk institutynyň Sport fakultetiniň ýokary derejeler sporty hünäriniň 3-nji ýyl talyby. Üstümizdäki ýylyň sentýabr aýynda Aşgabatda geçiriljek Ýapyk binalarda we söweş sungaty boýunça V Aziýa oýunlaryna taýýarlyk görýär. Onuň bu ýaryşlarda ýeňiş gazanyp, türkmen Tugumyzy belende göterjekdigine ynanýarys.