Hormatly agzalar men size Türkmen sportunyň ussatlary bilen tanyşdyraýyn Tagangylyjow Çarygylyç Gün-günden gözelleşýän gözel Diýarymyzyň her güni toýdur-baýrama beslenýär. Gahryman hem mähriban Prezidentimiz Gurbanguly Berdimuhamedowyň baştutanlygynda ata Watanymyz gözelleşýär. Ýurdumyzda birnäçe binalar, ýaşaýyş jaýlary we sport desgalary gurlup ulanylmaga berilýär. Hormatly Prezidentimiziň karary esasynda şu ýylymyz “Sagdynlygyň we ruhubelentligiň ýyly” diýlip yglan edildi. Dünýäniň iň ösen tehnologiýalary bilen üpjün edilen biziň ýokary okuw binamyzda talyp ýaşlara okap, bilim almak üçin we sportuň dürli görnüşleri boýunça ýokary derejeli türgenleşik sapaklaryny geçmäge uly mümkinçilikler döredilen. Talyplarymyza sportuň gimnastika, wolleybol, basketbol, boks, sambo, kik-boksing, milli göreş ýaly görnüşleri boýunça türgenleşik geçer ýaly ýokary hilli sport enjamlary bilen üpjün edilen türgenleşik zallary bar. Bulardan başga-da institutymyzyň açyk meýdançasynda sportuň tenis, gandbol, futbol görnüşleri boýunça türgenleşer ýaly mümkinçilikler hem bar. Biziň bu mukaddes bilim ojagymyz bolan Türkmenistanyň Milli sport we syýahatçylyk minstitutynyň gözelligi paýtagtymyzyň görküni has hem gözelleşdirýär. Türgenler şeýle müňkünçiliklerden dogry we dürs peýdalanyp, ukyp-başarnyklaryny Halkara ýaryşlarynda görkezip, baýrakly orunlary eýeleýärler. Şeýle talyplarymyzyň biri hem Tagangylyjow Çarygylyç. Ol Türkmenistanyň Milli sport we syýahatçylyk institutynyň Sport fakultetiniň sport žurnalistikasy hünäriniň 1-nji ýyl talyby. 1995-nji ýylyň 10-njy maýynda Ahal welaýatynyň Tejen etrabynda doglan. 2012-nji ýylda Ahal welaýatynyň Ruhabat etrabynyň 1-nji orta mekdebinde okuwyny tamamlan. 2017-nji ýylyň fewral aýynyň 17-19-y aralygynda Finlýandiýada Kik-boksing boýunça halkara ýaryşynda, Finlýandiýanyň açyk çempionatynda 60 kg agramda çykyş edip 1-nji orun, Altyn medal eýeläp, Türkmen baýdagyny al-asmana galdyran türgen. Geljekde-de Halkara derejesinde geçiriljek ýaryşlarda baýrakly orunlary eýelär diýip uly ynam bildirýäs.Türkmenistan döwletimiziň ýaş türgenlerine şeýle müňkünçilikleri döredip berýan sportuň Hak howandary Gahryman hem Mahriban Arkadagymyzyň jany sag, tutýan tutumly işleri rowaç alsyn!