Hormatly agzalar men size Türkmen sportunyň ussatlary bilen tanyşdyraýyn Mamedow Merdan Kämil nesli kemala getirmek üçin ozaly bilen olaryň beden taýdan berk, ruhy taýdan sagdyn bolmagyny gazanmagyň zerurdygyna hormatly Prezidentimiz hemmelerden öň göz ýetirdi . Ýaş nesle döwrebap terbiýe bermek üçinem, olary ylymly-bilimli etmek üçinem, sagdyn jemgyýet gurmak üçinem şu günki nesliň sagdynlygynyň esasy ölçeg birligidigini bilmelidiris. Çüňki jemgyýetde döwletiňem, raýatlaryňam öz borçlary we hukuklary bar. Berkarar döwletiň bagtyýarlyk döwründe döwlet özi tarapyndan amal edinmeli ägirt uly tutumlary aňry ýany bilen durmuşa geçirýär. Bu babatda milli lidermiz döwletli başlangyçlara badalga berýär we olaryň üstünlikli durmuşa geçirilmegini ahyryna çenli gözegçilikde saklaýar. Gözel paýtagtymyzda 2017-nji ýylda Ýapyk binalarda we söweş sungaty boýunça V Aziýa oýunlarynyň geçirilmeginiň göz öňünde tutulmagy Berkarar diýarymyzyň sporty sagdynlygyň gözbaşy, halkara hyzmatdaşlygynyň we dostlugyň ilçisi hasaplaýandygyny tassyklaýar. Olimpiýa şäherjigi, Ýurdumyzda sagdyn durmuş ýörelgelerini wagyz etmek, ony jemgyýetimize ornaşdyrmak, raýatlarymyzy bedenterbiýe we köpçülikleýin sporta çekmek, ösüp gelýän ýaş nesli sporta we halal zähmete hormat goýmak ruhunda terbiýelemek işleri giň gerimde ýerine ýetirilýär. Aziada-2017-niň öňüsyrasynda geçiriljek synag ýaryşlary hem maksadalaýykdyr. Bu ýaryşlara Türkmenistanyň Milli sport we syýahatçylyk institutynyň talyplary hem ganaşýar. Olaryň arasynda Mamedow Merdan üstünlikli çykyş eder. Ol Türkmenistanyň Milli sport we syýahatçylyk institutynyň Sport fakultetiniň sport hünäriniň 2-nji ýyl talybydyr. Mamedow Merdan 2017-nji ýylyň fewral aýynyň 17-19-y aralygynda Finlýandiýanyň Helsinki şäherinde Kik-boksing boýunça Halkara ýaryşynda, Finlýandiýanyň açyk çempionatynda 67 kg. agramda çykyş edip, III orna, Bürünç medala mynasyp boldy. Şeýle-de ol Kik-boksing boýunça 2016-njy ýylyň 16-18-nji dekabrynda Estoniýanyň Tallin şäherinde geçirilen Halkara ýaryşynda 2-nji orna mynasyp boldy. Ol 2016-njy ýylyň 4-7-nji awgustynda Özbegistanyň Buhara şäherinde geçirilen Kik-boks Lou kik Aziýa çempionatynda 67 kg. çykyş edip, 1-nji orna, 2016-njy ýylyň 25-27-nji martynda Latwiýanyň Riga şäherinde Kik-boks Lou kik Halkara ýaryşynda 1-nji orna, 2016-njy ýylyň 8-10-njy marty aralygynda Türkiýäniň Antaliýa şäherinde Kik-boks Lou kik Halkara ýaryşynda 1-nji orna mynasyp bolup, türkmen Tugymyzy belende göterdi. Aşgabat-2017 taslamasynyň durmuşa geçirilmegi, halkara abraýyny belende ýetirer, dünýäni haýrana goýýan Olimpiýa şäherjiginde halkara duşuşyklary dostlugyň, bäsdeşligiň ýygjamlaşmagyna getirjekdigine ynanýarys hem guwanýarys.