Hormatly agzalar men size Türkmen sportunyň ussatlary bilen tanyşdyraýyn Hallyýew Şöhrat Türkmen sportunyň at-owazasy dünýä dolýar. Halkara ýaryşlar türgenleriň sportda erjelliginiň, başarjaňlygynyň we döredijiliginiň näderejededigini bilmäge mümkinçilik berýär. Ýokary taýýarlykly dabaraly ýeňişleri hut türgenleriň özleriniň we ähli türkmen halkynyň ruhubelentligini berkitmäge itergi berýär. Agzybir döwletde ýaşaýan, adalatly ýurt baştutanynyň döwlet syýasatyny gollaýan halkymyz iri halkara ýaryşynda üstünlik gazanýan türgenleriniň ýeňişlerine sabyrsyzlyk bilen garaşýar. Sebäbi türkmen pälwanlarynyň ussatlyklaryny görkezmegi, ýeňiş gazanyp, halkyny, mähriban Prezidentini, Watanyny we ene-atasyny ruhubelentliklere atarmakda ähmiýetlidir. Şeýle türgenleriň biri-de Hallyýew Şöhrat . Ol Türkmenistanyň Milli sport we syýahatçylyk institutynyň Sport fakultetiniň ýokary derejeler sporty hünäriniň 4-nji ýyl talyby. Hallyýew Şöhrat 1990-njy ýylyň 19-njy awgustynda Ahal welaýatynyň Sarahs etrabynda doglan. 2006-njy ýylda Aşgabat şäherindäki 34-nji orta mekdebi üstünlikli tamamlady. Ol 2013-nji ýylyň 29-njy iýuny, 6-njy iýuly aralygynda Koreýa Respublikasynyň Inçeon şäherinde Ýapyk binalarda we söweş sungaty boýunça IV Aziýa oýunlaryna gatnaşyp, Kik-boksing boýunça ýaryşda 3-nji orna, 2014-nji ýylyň 23-28-nji sentýabrynda Russiýa Federasiýasynyň Anapa şäherinde geçirilen Kik-boksingden Halkara ýaryşynda 63.5 kg agramda çykyş edip, 3-nji orna, 2014-nji ýylyň 24-28-nji oktýabrynda Türkiýäniň Stambul şäherinde Kik-boks Söweş sungaty boýunça geçirilen Dünýä festiwalynda 1-nji orna, 2015-nji ýylyň 1-nji awgustynda Hindistanyň Pune şäherinde Kik-boksing boýunça geçirilen Aziýa çempionatynda 63.5 kg. Agramda bäsleşip baýrakly 2-nji orna, 2016-njy ýylyň 27-nji martynda Latwiýanyň Riga şäherinde Kik-boks K1Halkara ýaryşynda 63.5 kg. agramda bäsleşip 1-nji orna, 2016-njy ýylyň 3-nji maýynda Italiýanyň Rim şäherinde geçirilen Kik-boksing boýunça Dünýä kubogynda baýrakly 2-nji orna, 2016-njy ýylyň 16-18-nji dekabrynda Estoniýanyň Tallin şäherinde geçirilen Kik-boksing boýunça Halkara ýaryşynda 67 kg. agramda çykyş edip, 1-nji orna, 2017-nji ýylyň 17-19-njy fewralynda Finlandiýanyň Helsinki şäherinde Kik-boksing boýunça halkara ýaryşynda, Finlýandiýanyň açyk çempionatynda 67 kg. çykyş edip, 1-nji orna we Altyn medala mynasyp boldy. Geljekde-de türgeniň halkara ýaryşlaryna gatnaşyp, uly üstünlikleri gazanjakdygyna we ýaşyl Tugumyzy buýsanç bilen asmanda parlatjakdygyna ynam bildirýäris.Ýapyk binalarda we söweş sungaty boýunçaVAziýa oýunlarynda-da türgene üstünlikler arzuw edýäris.