2017-нҗи йылың апрель айының 7-не, Хорматлы Президентимизиң хут өзүниң гатнашып, ак пата бермеги билен «Аваза» милли сыхатчылык золагында көп угурлы, дөвребап энҗамлар билен энҗамлашдырылан спорт топлумларының ене-де бири ачылып уланмага берилди. Сагдынлыгың ве Рухыбелентлигиң йылында ачылып уланылмага берлен бу спорт топлумы Хазарың мерҗен кенарында ерлешйән «Аваза» милли сыяхатчылык золагында эмеле гелен дынч алыш ве сагалдыш меркезлериниң, бедентербие ве йөрителешдирилен спорт мекдеплериниң, шыпаханаларың үстүни етирди. Дөвребап энҗамлар билен энҗамлашдырылан спорт топлумының уланмага берилмеги дөвлетимизде уссат түргенлери тайярламакда мүмкинчиликлери хас-да артдырып, түркмен яшларының халкара ярышларында абрайлы орунлары эелемеклерине ярдам берер. Шонуң ялы-да юрдумызың раятларының берк беденли, сагдын пикирли болмаклары үчин мүмкинчиликлери артдыряр. Бу гүнки чәре ёкары дереҗеде гурналып, Гахрыман Аркадагымызың баштутанлыгында дүнйә үлңелерине лайыклыкда гурналып уланмага берлен спорт топлумы гурлушы билен «Аваза» милли сыхатчылык золагының тебигатына гөзеллик берип, ол ере гелйәнлере леззетли дынч алмага мүмкинчилик берйәр.