Hormatly Prezidentimiziň taýsyz tagallalary netijesinde ýurdumyzda ynsan saglygyna, köpçülikleýin sport çäresine aýratyn üns berilýär. Adam saglygynyň ähli zatdan gymmatly görülýän Türkmenistan Watanymyzda Bütündünýä saglyk güni uly dabara bilen bellenilýär. Sebäbi bu gün adamzadyň parahatçylyk, hoşniýetlilik, ynsanperwerlik, ýörelgeleriniň dabaralanýan, halklary agzybirlige, jebislige alyp barýan gündir. Hormatly Prezidentimiziň bu halkara derejeli baýramçylyk mynasybetly ýurdumyzyň halkyny gutlamagy bizi täze rowaçlyklara, türgenlerimizi bolsa täze ýeňişlere ruhlandyrýar. Milli senenamamyza özboluşly bezeg berýän bu halkara baýramçylygy mynasybetli “Awaza” mili syýahatçylyk zolagynda “Aziada – 2017: Parahatçylygyň we ösüşiň ugrunda halkara sport hyzmatdaşlygy” atly halkara maslahatynyň we sergisiniň geçirilmegi, oňa Arkadag Prezidentimiziň hut özüniň gatnaşmagy hem-de çykyş etmegi bolsa bu günki baýramçylyk çäresini has-da dabaralandyrýar. Ýene-de sanlyja aýlardan paýtagtymyz Aşgabatda Ýapyk binalarda we söweş sungaty boýunça V Aziýa oýunlaryny badalga alar. Hormatly Prezidentimiziň taýsyz tagallalary netijesinde geçirilýän bu iri halkara derejeli sport çäresi türkmen sportunyň barha uly üstünliklere eýe bolýandygynyň aýdyň beýany bolar. Hemmämize mälim bolşy ýaly 2017-nji, ýagny Sagdynlygyň we ruhubelentligiň ýylynda türkmen türgenleri turuwbaşdan üstünlikli çykyş etmäge başladylar. Fewral aýynda Türkmenistanly türgenler birnäçe ýaryşlara gatnaşyp watandaşlarymyzyň çäksiz guwanjyna mynasyp boldular. Tailand patyşalygynyň paýtagtynda sportuň jiu-jitsu gornüşi boýunça ýetginjekleriň we ulularyň arasynda ”Grand-Slam” halkara ýaryşy geçirildi. Onda Türkmenistanly türgenler 11 altyn, 18 kümiş we 15 bürnç, jemi 44 sany medal gazandylar. Kikboksingiň türkmen ussatlary bolsa Finlandiýanyň paýtagty Helsinki şäherinde geçirilen iri halkara ýaryşynda 7 sany altyn, 1 kümüş we 3 sany hem bürnç medal gazandylar. Mart aýynda ýurdumyzyň küşt boýunça ýygyndy topary Çehiýanyň Libers şäherinde hem-de Russiýanyň paýtagty Moskwada geçirilen halkara ýaryşlarda tapawutlanmagy başardylar. Şol ýaryşda ildeşlarimiz bir altyn, iki kümüş bir bürnç medala mynasyp boldular. Türkmenistanly ýaş konkide ylgaýjy Awstriýanyň Gras şäherinde Bütündünýä gyşky ýörite olimpiýa oýunlarynyň altyn medalyna mynasyp boldy. Şeýle hem türgenlerimiz ylgamak boýunça geçirilen ýaryşda hem iki sany altyn medaly gazanmagy başardylar. Ýurdumyzyň woleýbol boýunça milli ýygyndysy Maldiw Respublikasynyň paýtagty Malide geçirilen Aziýanyň Merkezi sebitiniň üçünji çempionatynda kümüş medala mynasyp boldular. Şeýle hem türkmen türgenleri Russiýanyň paýtagty Moskwada sambo boýunça geçirilen “A.Harlampiýewiň ýadygärligi” ýaryşynda ýedi medal gazanmagy başardylar. Latwiýa Respublikasynyň paýtagty Rigada geçirilen kikboksçylaryň halkara ýaryşynda türkmenistanly türgenler umumytoparlaýyn hasapda birinji orny eýelediler. Dünýäniň 11 döwletinden 300-e golaý türgeniň gatnaşmagynda geçirilen bu ýaryşda ildeşlerimiz umumy 29 medal gazandylar, olaryň 16-sy altyn, 8-si kümüş, 5-si bolsa bürnç medallardyr. Çehiýanyň paýtagty Pragada geçirilen adaty karate boýunça geçirilen ýaryşda türkmenistanly türgenler altyn medalllaryň 5-sini gazandylar. Milli söweş sungatlary federasiýasynyň tälimçisi (hanmudo, Türkmenistanyň sport ussady Şöhrat Allaýew Türkiýäniň Antaliýa şäherinde garyşyk başa-baş söweşi boýunça geçirilen dünýä çempionatynda 4 sany altyn medala mynasyp boldy. Ýapyk binalarda we söweş sungaty boýunça V Aziýa oýunlarynyň çäklerinde türkmen türgenlerimiziň gazanýan üstünlikleri halkymyzy diýseň buýsandyrýar. Ýyrdumyzyň türgenleriniň sport äleminde gazanýan her bir üstünliginiň, ýeňişiniň aňyrsynda hormatly Prezidentimiziň çäksiz aladalary bar. Şonuň üçin Arkadag Prezidentimiziň jany sag, alyp barýan döwletli işleri rowaç bolsun.