Ашгабат шәхеринде гечирилҗек V Азия оюнларына гатнашмак үчин милли йыгындыныӊ дүзүминде 50-ден говрак Дашогуз велаятыныӊ яшайҗылары Ашгабат шәхеринде түргенлешик гечйәрлер. Хǝзирки вагтда V Азия оюнларына гатнашып байраклы орунлара мынасып болмак үчин яш түргенлеримиз улы тайынлык гөрйәрлер. Ягны, Дашогуз шәхериниӊ чагалар ве етгинҗеклер спорт мекдебиниӊ түргени Җанибек Атаҗанов спортыӊ җиу-җитсу гөрнүши боюнча 18-20.12.2016-нҗы йыл аралыгында Ашгабат шәхеринде Түркменистаныӊ кубогы угрунда гечирлен V Азия оюнларыныӊ сайлама ярышында 1-нҗи орна мынасып болуп, милли йыгындыныӊ дүзүмине гирмеклиги башарды. Җанибек Атаҗанов 18-20.12.2016-нҗы йыл аралыгында Ашгабат шәхеринде гечирлен Азия чемпионатында хем 3-нҗи орна мынасып болды. Җанибек Атаҗанов милли йыгындыныӊ дүзүминде түргенлешик гечмек билен ол Таиланд Патышалыгыныӊ Бангкок шәхеринде гечирилйән (14.02.2017-нҗи йылда башлады ве 25.02.2017-нҗи йыла ченли довам эдйәр) халкара ярышда спортыӊ җиу-җитсу гөрнүши боюнча уссатлык билен чыкыш эдип, 2-нҗи орна мынасып болды. Бу болса яш түргенлеримизиӊ гечирилҗек ярышлара улы тайынлык гөрйәндигине шаятлык эдйәр. Җанибек Атаҗанов Дашогуз шәхериниӊ чагалар ве етгинҗеклер спорт мекдебиниӊ тәлимчиси Шовкат Мәткурбановыӊ түргени болуп дуряр. Җ.Атаҗановы алан байраклы орунлары билен гутлап оӊа индики гатнашҗак ярышларында үстүнлик арзув эделиӊ.