Хорматлы окайжылар интернет улгамының мүмкинчиликлеринден гиңден пейдаланмак билен шу ашакдакылары уланыҗыларың дыкгатына етирмек ислейəрин. Ягны, юрдумызда əхли улгамларда өңе гидишиклериң газанылышы ялы санлыҗа йылың ичинде арагатнашык пудагында хем улы гөврүмли ишлер дурмуша орнашдырылды ве халкың ислеглерини өзвагтында канагатландырмак, арагатнашыгың əхли гөрнүшлеринден бөкденчсиз пейдаланмак боюнча бирнəче ишлер алнып барыляр. Хәзирки вагтда юрдумызыӊ әхли күнҗегинде арагатнашыгыӊ ислендик гөрнүшлеринден интернет улгамына биригип, онуӊ мүмкинчиликлеринден гиӊден пейдаланмак шертлери дөредилди ве раятларымызыӊ аглаба бөлеги ве юрдумызыӊ мыхманлары интернетиӊ мүмкинчиликлеринден гиӊден пейдаланярлар. Эмма, кәбир шахслар бу улгамыӊ мүмкинчиликлеринден пейдаланып, көнеден гелйән дәп-дессурларымыза, миллилигимизе терс гелйән хәсиетдәки мовзуклары, ярамаз фотосуратлары интернет сайтларында ерлешдирип, өсүп гелйән яш неслимизиӊ аӊына терс тәсир эдйән херекетлери, шонуң ялы-да, дүшүнҗеси ве дүнйә гарайшы пес болан шахслар тарапындан юрдумызда ил-юрт бәхбитли дурмуша орнашдырылян чәрелере терс баха берилип, бу улгамыӊ үсти билен Ватанымыз барада тенденциоз, ялан геп-гүррүӊлери яйратмаклыга чалышянлар хем бар. Ёкарда гөркезилен херекетлери амала ашырян раятларымыза, бу херекетлере ёл бермек билен олара Түркменистанда Интернет торуның өсүши ве итернет-хызматларыны этмеги хукук тайдан дүзгүнлешдирмек хакындакы Түркменистаның Канунының талапларыны бозяндыкларыны ятлатмакчы болян.