ABŞ-nyň Ýuta ştatynda geçirilen synagda bir awtoulagyň tizligi sagatda 744 kilometre ýetdi. Synag ýaryş ulaglary üçin ýokary durulykdaky wideo we surat tehnologiýalaryny öndürýän bir şereketiň tanyşdyrylyşy üçin geçirildi. Synag Bonnewill kölünde geçirildi. Bu kölde awtoulaglaryň tizligi boýunça rekordlar goýulýar. "Replay XD" şereketiniň oýlap tapan kiçi, ýeňil we ýokary durulykdaky kameralary, "Speed Demon" atly ulagyň dürli ýerlerine ýerleşdirildi. Awtoulagyň sürüjisi Jorj Potitiň süren ulagy sagatda 744 kilometr tizlige ýetdi. Aşa ýokary tizlik bilen hereket eden awtoulagyň hereketi içine we daşyna birnäçe ýerlere ýerleşdirilen kameralar tarapyndan ýazga alyndy. Synag hiç-hili tehniki näsazlyk bolmazdan şowly tamamlandy.