Түркменистаныӊ ыкдысадыетиниӊ дүрли угурларында нетиҗели ишлер алнып барыляр. Юрдумызда өнүмчилигиӊ мөчбериниӊ ызыгидерли артяндыгындан угур алып хем-де өндүрилйән өнүмлериӊ кадалашдырыҗы ресминамаларыныӊ тайярланмагыны топлумлайын утгашдырмак максады билен, «Түркменстандартлары» Баш дөвлет гуллугыныӊ Түркмен стандартлар маглуматлар меркезиниӊ хем-де Дөвлет эталон меркезиниӊ, Түркменистаныӊ Докма сенагаты министрлигиниӊ, Түркменистаныӊ Саглыгы горайыш ве дерман сенагат министрлигиниӊ, Түркменистаныӊ Азык сенагаты дөвлет бирлешигиниӊ ве Юрдумызыӊ ылымлар Академиясыныӊ, Түркменистаныӊ Чызыклы шертли белгилер боюнча Милли гурамасыныӊ бинятларында җеми 8 саны техники комитетлер херекет эдйәр. Агзалан техники комитетлерде илкинҗи кадалашдырыҗы ресминамаларыӊ тасламаларыныӊ үстүнде ишленилип башланды. «Түркменстандартлары» БДГ-ныӊ дөвребап сынаг энҗамлары билен үпҗүн эдилен барлагханаларында гурлушык харытларыӊ, демир өнүмлериӊ, небит өнүмлериӊ, докма ве аякгап өнүмлериӊ, мебеллериӊ, чага ойнавачларыӊ ве бейлеки өнүмлериӊ сынаглары гечирилйәр. Барлагханаларыӊ мадды техники бинядыны дөвребаплашдырмак максады билен, олар ызыгидерли дөвребап сынаг энҗамлары билен энҗамлашдырыляр. Якын вагтда барлагханалар ГФР-сы, АБШ-ры, Канада, Япония, Гүнорта Корея, Италия, Нидерландия, Швейцария, Полша, Словения, Литва, РФ-сы ялы дүнйәниӊ өсен юртларыӊ өндебарыҗы компаниялары тарапындан өндүрилен, ёкары тилсиматлы дөвребап сынаг энҗамлары ве гураллары билен үпҗүн эдилди. 01.10.2013-нҗи йылда Ашгабат шәхеринде Дөвлет эталон меркезиниӊ бинасы гурулып, уланыша берилди. Дөвлет эталон меркезиниӊ барлагханалары басыш, гөврүм, аграм, вагт, йыгылык, геометрики ве аналитики өлчеглер, температура ве чыглылык 17 саны өлчеглериӊ эталонлары билен үпҗүн эдилди. Бинаныӊ халкара гурлушык ве инженер-техники талаплара лайык гурулмагына гөзегчилик ишлери ГФР-ныӊ маслахат бериҗи «TҮW Rheinland Industrie Serýice GmbH» компаниясы билен билеликде амала ашырылды. Дөвлет эталон меркези үчин сатын алнан энҗамларыӊ хилине ве гурналмагына гөзегчилик ишлери болса ГФР-ныӊ маслахат бериҗи «ПТБ» федерал физики техники институтыныӊ билерменлери билен билеликде амала ашырылды.