Gahryman Arkadagymyzyň parasatly ýolbaşçylygynda Türkmenistan döwleti ruhubelentligiň we sagdynlygyň ýurduna öwrüldi. Türkmen halkynyň eşretli durmuşda ýaşamagy üçin mähriban Arkadagymyz gije-gündiz alada edýär. Türkmen ýaşlarynyň berk bedenli, ruhubelent, sagdyn bolmagy üçin türkmen sporty has ösdürildi. Ähli welaýatlarda, etraplarda, oba-şäherlerde döwrebap sport mekdepleri, sport toplumlary gurlup ulanylmaga berildi. 2011-nji ýylda Magdanly şäherinde-de 365-orunlyk 1-nji sport mekdebi gurlup ulanylmaga berildi. Onuň yzysüre döwrebap sport toplumy gurlup ulanylmaga berildi. Bu sport mekdebinde 530-a golaý türkmen ýaşlary sportuň dürli görnüşleri boýunça tälim alýarlar. Sport mekdebinde atly-abraýly tälimçi-mugallymlar zähmet çekýärler. Ökde tälimçileriň tagallasy bilen bu sport mekdebiniň okuwçylary welaýat, döwlet, halkara sport ýaryşlaryna işjeň gatnaşyp, baýrakly orunlara mynasyp bolýarlar. Şeýle-de, 1-nji sport mekdebiniň tälimçileri şu günler 2017-nji ýylda Aşgabatda geçiriljek Ýapyk binalarda we söweş sungaty boýunça V Aziýa oýunlaryna berk taýýarlyk görýärler. Şäheriň 1-nji sport mekdebinde tälim alan Мuminjan Abdihakimowiç Arzikulow Germaniýada geçirilen Halkara ýaryşynda “Sambo” göreşi boýunça, Aşgabat şäherinde geçirilen Aziýa birinjiliginde 60 kg agramda I ýere mynasyp boldy. Ýeri gelende aýtsak, birnäçe gezek Halkara ýaryşlaryna gatnaşyp dünýä çempionaty bolan Halkara derejeli sport ussady Gulbadam Babamyradowa hem biziň ildeşimiz. Abdurahmanow Sanjar “Kuraş” göreşi boýunça 2016-njy ýylyň iýul aýynyň 20-24-i aralygynda Hytaý döwletiniň Taiwan şäherinde geçirilen Halkara çempionatynda 81 kg agramda, sentýabr aýynyň 23-28-i aralygynda Wetnam döwletiniň Banank şäherinde geçirilen Aziýa çempionatynda 81 kg agramda I-нји ýere mynasyp boldy. Halkara derejeli sport ussady Gulbadam Babamyradowanyň Halkara ýaryşlarynda ýeňiş gazanyp, türkmeniň ýaşyl Tuguny göterip ylganyny göreniňde, buýsançdan, begençden ýaňa göwnüň göterlip heýjana gelýär. Türkmen ýaşlarynyň dünýä çykmagyna şeýle giň mümkinçilikleri döredip beren mähriban Prezidentimize ýene müň kerem alkyşlar aýdasyň gelýär.