Hormatly Prezidentimiziň şu ýylyň 14-nji sentýabrynda bolup geçen Türkmenistanyň Ýaşulylarynyň maslahatynda sözlän sözünde belleýişi ýaly “Ata Watanymyzyň özygtyýarly we özbaşdak ösüş ýoluna gadam basmagy mahriban halkymyz üçin ägirt uly ähmiýieti bolan taryhy hem-de dünýä bileleşigine täsir eden ýagdaý bolup durýar”. “Mirasa sarpa goýmak, Watany özgertmek ýylynda”, häzirki Mukaddes Garaşsyzlygymyzyň 25 ýyllyk baýramyny mynasyp garşylamak ugrunda zähmet joşguny möwç urýar. Şu döwürde, çärýek asyryň dowamynda Garaşsyz, hemişelik Bitarap Diýarymyzyň halkynyň gaýratly zähmeti bilen ýetilen sepgitler, gazanylan üstünlikler sanardan köpdür. Gahryman Arkadagymyzyň terkarlaýyşy ýaly, 1991-nji ýyldan ýany ýurdumyzyň Garaşsyzlygynyň yglan edilenden bäri ýurdumyzda ilatyň durmuş hal-ýagdaýy düýpli gowulandyryldy. Garaşsyzlyk ýyllarynda 35 mln inedördül metr ýaşaýyş jaýlary ulanylmaga berilendigi hem muňa aýdyň şaýatlyk edýär. Gahryman Arkadagymyzyň tagallasy bilen ykdysadyýetiň ähli pudaklarynda ägirt uly sepgitlere ýetildi. Häzirki döwürde ýylda 3,5 million tonna sement öndürilýär, bu bolsa öňküden 4 esse öňküden köpdügini, nah ýüplügiň öndürilişi 24,4 esse, suwuklandyryjy gazyň öndürilişi 23 esse, nah matalaryň öndürilişi 7 esse artdy. Şu ýyl gallaçylaryň zähmeti bilen ýurdumyz boýunça 1,6 mln tonna ak bugdaý öndürildi, bu bolsa 1991-nji ýyldakydan 8 esse artandygy görkezýär. Hormatly Prezidentimiziň gatnaşmagynda welaýatymyzyň çäklerinde täze senagat kärhanalary, täze şäherçelerdir obalaryň dabaraly ýagdaýda ulanylmaga berilmegi ähli halk bilen birlikde bilim işgärlerini hem begendirdi, guwandyrdy. Olardan Beýik Türkmenbaşy etrabyndaky elekrtoenergiýe bekedini, Magdanly sement zawodyny, Garabekewül etrabyndaky Berkarar zaman obasyny, Türkmenabat, Seýdi şäherlerindäki han ýüplük kärhanalaryny we beýlekileri görkezmek bolar. Häzirki döwürde Türkmenabat Halkara menziliniň, Amyderýanyň üstünde Türkmenabat Farap demir ýol we awtoulag köprüleriniň gurluşygy uly depgin bilen alnyp barylýar. Ilatyň durmuş derejesini mundan beýläk-de ýokarlandyrmak Berkarar döwletimiziň alyp barýan syýasatynyň ileri tutulýan ugrudyr.