Мираса сарпа гоймак, ватаны өзгертмек йылында юрдумызда тутулян той дабаралар илдешлеримизиң Беркарар дөвлетимизе аҗайып заманамыза болан буйсанҗымызы артдыряр. Велаятымызын эхли орта мекдеплеринде ве чагалар багларында тәзе окув йылының башланмагы билен дабаралар улудан тутулды. Ирден билим оҗакларында гуралан дабаралара мекдеп окувчылары, мугаллымлары, ил сылаглы яшулылар, гайры билим ишгәрлери гатнашдылар. Чәреде 1-нҗи сынп окува гелен көрпеҗе окувчылара хорматлы Президентимизиң компютер совгады дабара билен говшурылды. Мекдебиң гапысындан илкинҗи әтлән көрпе несиллере тәзеҗе китаплар берилди. Соңра гүнешли үлкәмизиң әхли еринде болшы ялы велаятымызың билим тербиечилик эдараларында «Гахрыман аркадагымызың билим өзгертмелери мукаддес Гарашсызлыгымызың газананларыны беркитмегиң эсасыдыр» диен шыгар астында илкинҗи окув сапаклары гечирилди. Онда Гарашсызлыгымызың шанлы 25 йыллыгының ичинде юрдумызда газанылян аҗайып үстүнликлер, етилен белент сепгитлер Гарашсызлыгымызың ве Битараплыгымызың бизе берен мивелери догрусында окувчылара дүшүнҗе берилди. Яш несиллер өзлери үчин аҗайып мүмкинчиликлери дөреден аркадагымыза чәксиз алкыш айдярлар.