Ýurdymyzda il-ýurt ykballaryna özgerdiji täsirini ýetirýän özgerişikler barha artýar. Oba ýaşaýjylarynyň derejesi ýokarlanýar. Ýakynda Lebap welaýatynyň Atamyrat etrabynyň Gyzylaýak geňeşliginde gurlup ulanylmaga berlen 240 orunlyk täze tipli çagalar bagy hem oba ýaşaýjylaryny çyn ýürekden begendirdi. Etrapda mundan öňem şeýle çagalar baglarynyň 2-si gurlup ulanylmaga berildi. Körpeleriň sagdyn we ruhubelent terbiýelenmeginde ähli amatlyklary bolan döwrebap çagalar baglarynyň ähmiýeti diýseň uludyr. Biz çagalaryň gowulyklara-bagtyýarlyga beslenmegi ugrundaky aladalary il-ýurdyň durmuşynda günübirin synlaýarys. Çagalar üçin döredilýän eşretleriň geriminiň örän giňdigine güwä geçýän wakalaryň, täzelikleriň hut biziň öz obamyzda bolmagy – täze 25-nji çagalar bagynyň işläp başlamagy biziň şatlygymyza şatlyk goşdy. Çagalaryň çuň bilim we edep-terbiýe almaklary üçin gurlan döwrebap binada körpeleriň kompýuter tehnologiýalaryny özleşdirmekleri, dynç almaklary, dürli oýunlara meşgullanmaklary, ukyp-başarnyklaryny ösdürmekleri üçin ähli şertleri göz öňünde tutlypdyr. Türkmenistanyň Prezidentiniň “Obalaryň, şäherçeleriň, etrapdaky şäherleriň we etrap merkezleriniň ilatynyň durmuş-ýaşaýyş şertlerini özgertmek boýunça 2020-nji ýyla çenli döwür üçin Milli Maksatnamasynyň” çäklerinde gurlup, ulanylmaga berlen bu ajaýyp bina üçin obamyzyň uly-kiçi ýaşaýjylary bolup minnetdarlygymyzy bildiýäris.