ýaponiýada sakura agajy gülläp başlady, şonuň bilen bilelikde ol ýerde syýahatçylygyň iň gyzgalaňly möwsümi başlady. müňlerçe jahankeşdeler ak- gülgün gülleriň açylyşyny syn etmäge, her ýylyň ýaz aýlary ýörite ýaponiýa gelýärler. ýaponiýanyň raýatlary hem şol döwür oz ýurtlaryna, syýahat edip başlaýarlar. eger-de ýaponiýanyň demirgazykdan günorta tarap uzalyp gidýändigini göz öňüne tutsak, onda jahankeşdelik ýurduň günortasyndan, kýusýu we okinawa adalaryndan başlaýandygy geň däldir. ol ýerde sakura fewralda gülläp başlaýar.şondan soň gül açmanyň yzygiderligi başlaýar, sapporoda 10-njy martdan 20-nji aprel aralygynda, tokioda 27-nji mart we 7-nji aprel aralygynda, kiotoda 4-nji-16-nji aprel aralygynda, osakede 5-nji-13-nji aprel aralygynda gülleýär, demirgazykda ýerleşen hokkaýda adasynda bolsa sakura tomusa ýakyn gülleýär. şeýlelikde adaty tebigy hadysa bolan baglaryň gül açmasy, ýaponiýada uly bir baýramçylyga öwürilen eken, hatda onuň öz ady hem bar- “hanami”. baýramçylyk ýapon kalendarynda ýok hem bolsa, ol ýurt derejesinde bellenilýändir. her ýyl tokioda baýramçylyk çärelerini geçirmek üçin, şeýle hem sakura agajynyň güllemeli möwsüminde, onuň haýsy şäherde gül açýandygy we belli wagtyny, raýatlara we köp sanly turistlere öňünden habar bermek üçin ýörite ştab döredilýär. agajyň gül açmaly wagtyna degişli çaklama maglumatlar bolsa radioda, telewideniýede we gazet- jurnallarda her gün habar berilip durýandyr. “hanami” baýramçylygynyň resmi açylyşy, tokioda, sinzýuku merkezi seýilgähinde geçirilýär. oňa ýaponiýanyň syýasy we döwlet işgärleri, şol sanda imperatoryň maşgala agzalary gatnaşýarlar. möwsüm açylandan soň gül açýan wişniýa agaçlarynyň tolkunyny yzarlap, raýatlar we turistler ýurduň günortasyndan demirgazygyna tarap syýahata başlaýarlar. sakuraň gülleme möwsümi gysga wagtlaýyn bolan soň, agajyň güllemesine gündiz hem-de agşamlaryna syn edýärler. agşamky syn has täsirlidir, çünki sagat altydan soň hemme agaçlar çyralar arkaly ýagtylandyrylýar. sakura agajynyň güllerini ýylyň dowamynda synlasy gelýänler üçin bolsa, ýaponiýanyň muzeýleri suratlara syn edýänler gül açýan sakura agajynyň hoşboýly ysyny duýar ýaly aroma terapiýa täsirlerini ullanylýan sergileri gurnaýarlar. yslar özüniň gurplandyrmak täsiri bilen, adamlaryň ýadowlugyny aýyrýar diýilip ynanylýar. rejep guwaja