Gozganmaýan emläk bazarynda täze rekord goýuldy. Monakoda ýerleşýän iki gatly kaşaň jaýy 306,5 million dollara satdylar. «La Belle Epoque» diýip atlandyrylan bu jaýyň umumy möçberi 1 müň 600 inedördül metr bolup, onuň amatlyklarynyň söz bilen beýan ederden kändigini aýdýarlar. Bu jaý iki bölümden ybarat bolup, her bölümde kitaphananyň, kinozalyň, gözellik salonynyň, oýun otagynyň, myhman jaýynyň we beýleki zerur bolan otaglaryň bardygyny belleýärler. Ol ozal Braziliýada ýaşan asly liwanly milijarder Edmon Safre degişli ekeni. Emma soň ony gozganmaýan emläk bilen iş salyşýan doganlar Kendiler satyn alypdyrlar. Bir jaý üçin şonça pul harçlamaga kimiň döwtalap bolandygy aýdylmaýar. Emma ol Aziýa ýurtlarynyň birindendir diýlip çak edilýar.