Beýik Britaniýada ýaşaýan Melissa Tompson-SMS habarlaryny çalt ýygmak boýunça geçirilen bäsleşikde ýeňiji bolupdyr. Ol 22 sözden ybarat 2 sözlemi 25,94 sekuntda ýygyp, bu babatdaky ozalky görkezijini gowulandyrypdyr. «Samsung Galaxy S» smartfony bilen ýaryşa gatnaşan gyz bu bäsleşikde amerikaly Franklin Peýjiň (35,54 sekunt) rekordyny täzeläpdir. Melissa Tompson bäsleşige taýýarlyk gören döwründe her günde 40-50 sapar SMS habaryny ýollandygyny gürrüň berýär. Bu bäsleşikden soň uzak wagtlap çeken zähmetiniň ýerine düşendigine buýsanan gyz çempionlygyny goramaga taýýardygyny aýdypdyr.