Liwanyň paýtagty Beýrutda geçirilen halkara sergisinde ýerli ussalar tarapyndan döredilen dünýäniň iň uly bokaly köpçülige görkezildi. Ginnesiň rekordlar kitabyna girizilen täsin bokalyň beýikligi 2,4 metre barabardyr. Bu barada habar beren Ginnesiň rekordlar kitabynyň resmi wekili Liz Smit: "Bu ugurdaky öňki rekord Portugaliýada goýlupdy. Liwanlylar milli naharlary bolan kebbeniň (kotlet) iň ulusyny taýýarlabam kitabymyza öz atlaryny ýazdyrypdylar" diýip, ýerli aşpezlere-de ýokary baha beripdir. 1955-nji ýylda "Ginnes" kompaniýasy tarapyndan döredilen bu kitap häzirki wagtda 100-e golaý döwletde çap edilýär.