Filippinli Junri Baluingiň 2011-nji ýylda 18 ýaşy dolupdyr. "Associated Press" habarlar gullugynyň habar bermegine görä, boýunyň uzynlygy bary-ýogy 60 santimetr bolan bu ýigdekçe iň kelte boýly adam diýlip yglan edilipdir. Ozalky rekordyň eýesi nepally Tapa Magaru ondan 7 santimetr uzyn ekeni. Junri Baluingi Ginnesiň rekordlar kitabyna girizmek dabarasy guralan mahaly, onuň kakasy oglunyň eneden doglanyndan birnäçe aý geçensoň, ösmegini togtadandygyny gürrüň beripdir. Onuň aýtmagyna görä, rekordçynyň erkek doganynyň we iki gyz uýasynyň boý-syraty adaty adamlaryňkydan tapawutlanmaýar.