Dünýäniň iň ýaşuly adamy Günüň dogýan ýurdunda ýaşaýar. Ozal onlarça ýyllap poçtalýon bolup işlän Dziro-emonu Kimure 2011-nji yylyň 19-njy aprelde 114 ýaşyny doldurypdyr. Habar beriş serişdelerinde Ýer ýüzüniň iň uzak ýaşan adamynyň 7 perzendi kemala getirendigi, 15 agtygynyň we 23 çowlugynyň bardygy hakynda maglumat berilýär. 114 ýaşly D. Kimurenuň ulaldyjy aýnanyň kömegi bilen gündelik gazetleri elinden düşürmän okaýandygy we telewideniýe arkaly görkezilýän gepleşiklere tomaşa etmegi halaýandygy habarlarda aýdylýar. Uzak ýaşly gojalaryň ýene biri, ýagny, 111 ýaşly Tanekiti Onisi hem Ýaponiýada ýaşaýar. Ýer ýüzüniň iň ýaşuly zenany hasaplanýan amerikaly Bess Kuper bolsa, 1896-njy ýylda doglupdyr.