Şu gün Balkan welaýatynyň Belek şäherçesinde Türkmenistanyň Prezidenti Gurbanguly Berdimuhamedowyň pata bermeginde türkmen gaz gurlyşykçylary tarapyndan binýat edilen ägirt iri taslamalaryň biri bolan "Gündogar - Günbatar" magistral gaz geçirijisiniň açylyş dabarasy boldy. "Gündogar - Günbatar" magistral gaz geçirijisi ýurdumyzyň iri ýataklaryny bir ulgama birikdirmek bilen Türkmenistanyň energetiki eksport mümkinçiliklerini giňeltmekde ägirt uly ähmiýete eýedir.