Ýasama bolmakdan Hudaý saklasyn, Ýasama ýazmakdan saklasyn ynsap. Özümçe bezedim sungat sahnasyn, Ýazmadym çygylyp, ýazmadym çyňsap. Öwdüler, döwdüler, köwdüler kalby, Dogrydyr öýdýärdim kim näme diýse. Durmuşam bir salym edindi çalgy, Kyn eken şol bir zat degnaňa degse. Geljege ynandym nämede bolsa, Umytdan kalbymy edindim üpjün. Maňa besdir Ejem käbede bolsa, Pahyryň yzynda aglandy üç gün. Buda sebäp boldy ýazyp ýörmege, Çyndan daş düşmäge ysmady bognum. Asyl ýasamalyk aýan kör göze, Ykbalym, goşgylam bolmasyn solgun. Özümi il güne buşlap ýaşadym, Diýdim hiç kim maňa kese bakmasyn. Hakykaty goldaýanlar ýaşasyn, Ýasama bolmakdan Hudaý saklasyn! Ýazmyrat Çörli 27.07.15. Ý