Süýji sözleň ýagyp duran mahaly, Geliň, toý gününde arzuw edeliň! Bagtyň süýt deý çogup duran mahaly Geliň, toý gününde arzuw edeliň! Dünýämiz dawasyz, jenjelsiz oňsun, Guşlar gonup ýören pudagna gonsun, Körpe çaga öz erkine oýansyn, Diýip, toý gününde arzuw edeliň! Goý, bu ykbal nagarasyn döwmesin, Dostuň ýigrenmesin, duşman öwmesin, Hiç kim erbetligi kalba düwmesin Diýip, toý gününde arzuw edeliň! Baglaryň miwesin ekenler ýolsun, Ter güller solsa-da pudakda solsun. Her kimiň ak päli niýeti bolsun Diýip, toý gününde arzuw edeliň!